بشوفك

بشوفك
كأن مفيش غيرك في الصورة
وكل الناس بتبقى ديكور
ويتثبت الزمن لحظة
و انت في النص مركز نور !!
وتتكرر وقوف اللقطة
كل ما اشوفك ولو مرة كل سنين
انا في الدهشة بستنجد
مفيش شيء عندك ومش في الناس
غير الطلة ونظرة عين
وحضور طاغي عن الباقيين
وانت بحالي مش داري
وانا وحالي مش فاهمين
ليه الناس بتتجمد لما أشوفك
وليه أنت وأمتى وفين
وألف سؤال وأنا ماشية
عشان انسى اللي خطفني
وسيطر على القلب والتكوين
انساك واتمشى في عمري
لحين ما يصادف هواك العين
ترجع تاني نفس اللقطة
أسيرة طيف بيتلألأ
لنجم مقالش هو مين
لكن تأثيره على الجاذبية
يخليني من الدهشة ..
أقول أمين !!
رباعيات مريومة

 64 total views,  1 views today